“Nun principio existiu o Caos, despois Gea, de ancho peito, morada segura de todos os inmortais que habitan os cumes do nevado Olimpo ... De Gea naceu Úrano estrelado ....Máis tarde deu a luz a Océano, froito da súa unión con Úrano. Despois naceu Crono ...
Rea, sometida a Crono, tivo fillos gloriosos: Hestia; Deméter; Hera, -a das áureas sandalias-; o poderoso Hades, que mora nas mansións subterráneas cun corazón implacable; o estrondoso Posidón, e o próvido Zeus, pai dos deuses e dos homes, que co seu trono estremece a ampla Terra.
Zeus subiu ó leito de Deméter, nutricia de moitos, a cal pariu a Perséfone de brancos brazos ...
Leto, despois da súa unión con Zeus tivo a Apolo e a Ártemis, os descendentes máis desexables da linaxe de Úrano.
Por último, Zeus tomou por esposa á engreída Hera. Ela deu a luz ... a Ares ... , froito da súa unión có rei dos deuses e dos homes.
Zeus, da súa cabeza, fizo sair a Atenea, a dos ollos de curuxa, terrible, belicosa, conductora de exércitos, invencible, venerable, a quen agradan os tumultos, as guerras e as batallas.
Hera deu a luz ó ínclito Hefesto, sen contacto carnal, porque estaba irritada e enfadada contra o seu esposo ...
A atlántida Maya, despois de compartir con Zeus o seu sagrado leito, deulle un fillo glorioso, Hermes, o heraldo dos inmortais.
Sémele, filla de Cadmo, despois de unirse a Zeus por amor deu a luz ó ilustre Dioniso, o alegre deus inmortal, fillo dunha mortal”.
HESÍODO, Teogonía, 116-942 Ademáis podemos citar a Afrodita que, segundo unhas versións, foi filla de Zeus e Dione e, segundo outras, naceu da escuma do mar, ó caer nel os xenitais de Úrano cando foi castrado e destronado polo seu fillo Crono.
Tamén había unha serie de divinidades menores, como Asclepio (Esculapio), as musas, os sátiros, as ninfas, etc... e los heroes como Héracles, Aquiles, Orfeo, etc.
Se queremos practicar sobre a historia dos deuses gergos e romanos, entrade
nesta páxina.
Imos facer no noso blog unha árbore xenealóxica dos deusos do Olimpo. Se non sabes o que é unha árbore xenealóxica entrade nesta páxina. Para eso usaremos algún programa de internet como: genoom, my heritage, bubbl.us ou simplemente powerpoint. Tamén podedes facelo a man e logo escanealo...